Anam mənim Azərbaycan


İcimdə bir bağırtı,

Haray deyil, hayqırtı,

Ürəyimin dərinliyi,

Dan yeri tək ağartı.



Bu ElSƏSDİR --türkəm deyir

Cənubum da sitəm deyir

İcin -icin nalə cəkib

Paralanmış ölkəm deyir



İran mənə ağız büzür

Balalarmı səf-səf düzür

Yarğılayır çünki türkdür

Kranlardan ipə düzür



Dünya kordur,dünya görmür

Hitler sağdır,faşist ölmür

Haqqam deyən bu mollala

Ədalətdən mənə bölmür



Dinlə məni qarı düşmən

Gün gələcək, bəlkə görməm

Nə fərqi var ƏMİN kimi

CAVAD kimi görəmməsəm



Qardaş,qardaş deyən dillər

Hicran ilə yanan ellər

QOVUŞACAQ həsrət çəkən

GÖZ yaşları,YANAN DİLLƏR





Anam mənim Azərbaycan


Sitəmlərə sinə gərdin

Canım mənim Azərbaycan

Nələr əkdin nələr bicdin

Canım mənim Azərbaycan

Anam mənim Azərbaycan



Gülüstanda parcalandın

Türkmənçayda çöldə qaldın

Əsrlərlə yağmalandın

Canım mənim Azərbaycan

Anam mənim Azərbaycan





Üç yüz ili tapdalandın

Yetmiş ili tam talandı

Bütöv idin parçalandın
Canım mənim Azərbaycan

Anam mənim Azərbaycan





Şərqə hürrü sən gətirdin

Bağımsız sərbəst dövlətdin

Əsir oldun can göynətdin

Canım mənim Azərbaycan

Anam mənim Azərbaycan





Qarabağım qan yaddaşım

Dərd kədərim, Qəm yoldaşım

Ölənədək çeşmim yaşım

Canım mənim Azərbaycan

Anam mənim Azərbaycan





Manqurtların qurd tək yeyir

Rüşvətxorluq hökm eyləyir

Ağlar qalıb könlüm deyir

Canım mənim Azərbaycan

Anam mənim Azərbaycan





Vətən böyük ,dünya dardır

Nicat yolu bəs hardadır?

Fərəhli bir Halım vardır

Canım mənim Azərbaycan

Anam mənim Azərbaycan





Düşünürəm, daşınıram

İnsanlığa tapınıram

Başqa Yolu tanımıram

Canım mənim Azərbaycan

Anam mənim Azərbaycan





Gözlərimiz qanlı yaşdır

Dünya ayaq ,vətən Başdır

İnsanlaşıb ,İnsanlaşdır

Canım mənim Azərbaycan

Anam mənim Azərbaycan