DƏDƏM QORQUD

Dinlə məni tanımayan

Dədəm Qorqud ad qoyurdu

Söz söyləyib qopuz çalıb

Mahiyyəti doğururdu



Dünyamıza Loğman idi

Elçilik də, ondan idi

Ön sözü də sondan idi

Aydınlığa çağırırdı



Alp ərənlər qılınc vuran

Meydanlarda döyüş quran

Vətəninə Bəkçi olan

İgidləri yoğururdu



Bilrlik vardı Salur kimi

Buğac ,Beyrək Çoban kimi

El malını Qazan kimi

Qorumağa çağırırdı



Burlaxatun ,Banuçiçək

Selcanların gözəl göyçək

İsmətini gözləyəcək

Qüdsiyyətə çağırırdı



Qoca dünya Qorqudluydu

Qazan xanı Koroğluydu

Koroğlumuz Qoroğluydu

Saz sözüylə çağırırdı



Dünya döndü həmzələşdi

Zinalaşdı məlıkləçdi

Burlaxatun yüksəlışdi

Ar ,namusa çağırırdı



Hardadır o ər ərənlər

Dünya MƏNƏM deyənlər

Onlar yoxmu?

Qorqud yoxdur---dədələr çox

Dədə yoxdur---gədələr çox

Koroğlu yox---həmzələr çox

Qazanlar yox-- aruzlar çox

Babəklər yox –əfşinlər çox

Nəsimi yox ---zahidlər çox

Hürmüzdüm yox--əhrimən çox

Insanlar yox--- adamlar çox

YOX olan-- OLANDIR---VAR OLANDIR,

ÇOX oıan ---olmayandır -----yox olandır