ÖZÜNƏ DÖN

Türk balası ,özünə dön,özgələrə yamanma

Sənə düşmən kəsilənə dirək olub dayanma

Türkə qalib olan hanı ,türk özünü vurmasa?

Sumbat kimi alçaqlara ,xainlərə uymasa

Çaldıranda qələbəylə məğlub etdin özünü

Öz əlinlə vurub tökdün doğma qardaş gözünü

Parlamana top tuşladın iyirmidə fərəhlə

Çaxdın düşmən xəncərini sinəmizə ürəklə

Qeyrət çəkən oğulların qurban gedir Vətənə

Oynama gəl erməninin hiylə ,fəsad,məkrinə

Hər yetənə qardaş deyıb məclisinə gətirmə

Göyçə, Gümrü əldən gedib Borcalını itirmə

Yumruq olub ,ildırım tək şaqqılda sən tufanda

Göy Tanrımın təbəssümü qoy parlasın cahanda

Hiylə məkri buraxmasan bir addım da yaxına

Kim kim ola ,bacararmı türk oğluna toxuna?