FƏRƏHİM

Azərbaycan Ata Yurdum Amal bağım

Zərdüşt Ruhu, Hürmüzd Odu dayağım

Əhrimənlə savaş quran Nur qaynağım

Bəşər,Dünya,Vətən üçün Fərəhim



Fəlakəti Sədaqətlə İşıqlatdın

Həqarəti Ləyaqətlə uzaq etdin

Ədaləti Səxavətlə qucaqlatdın

İnsanlıq,Cəsarət,Saflıq Fərəhim



Babək İşıq yakdı Şirvin adlanan

Atəşdə Yüksələn,közündə yanan

Əl haramdan qaçdı,Dodaq yalandan

Eşq , Sevgi -- Ruhuma dolan Fərəhim



=============================

-----------------------------------------------



Əyilmədi Şirviniylə xilafətə

Azad İnsan əyilərmi rəzalətə

Alovuyla qovuşmuşdu Həqiqətə

Babək dönməzliyi Eşqim ,Fərəhim



Dədəm Qorqud Söz deyənim,ad qoyanım

Ənəlhəqçün diri-diri soyulanım

Eşqin Göylərində Gün tək yananım

Füzulim,Nəsimim,Tanrı Fərəhim



Muğamımda Kədərimlə yüksəlişim

Saz səsində qədimləşim,Ğöytürkləşim

Dünya deyir:Türklüyümlə gözəlləşim

Ölən Bəşər diriləcək,Fərəhim