6
Yorum
6
Beğeni
5,0
Puan
856
Okunma
Dərvişlər söz ortağım,
İman nurum,çırağım
Gəzdim Hələb torpağın,
Nəsimiyəm, Şamdayam.
Qəlbi,,eşqə"közləyən,
,,Cananını" gözləyən,
Zahidə həqqəm deyən,
Hürufiyəm,,lam" dayam.
Şəmsin nurlu çöhrəsi,
Dərvişlərin vəsvəsi,
Ərşə qalxar,,hu" səsi,
Mevlanayla Rumdayam.
Susuz çöldə ırmağam,
Gah təpəyəm,gah dağam,
Yeləm, tozam,torpağam,
Səhradayam, qumdayam.
Düşünmə biçarəyəm,
Nə hilal,nə haləyəm,
Baxma parə-parəyəm,
Bütövdəyəm,tamdayam.
Fərid Muradzadə
5.0
100% (3)
Cevap Yaz
