3
Yorum
9
Beğeni
5,0
Puan
749
Okunma
Bir qopuz çal, dəli ozan,
Yoldaş olmaz yolda duran,
Qismət yazıbsa yaradan,
Tanrı dağda görüşərik!
Unut qəmi ,unut ahı,
Cəsarət türkün silahı,
Bütün türkün, səcdəgahı,
Tanrı dağda görüşərik!
Dağ başında tonqal yaxan,
Polad bilək Qara çoban,
Alp Ər Tonga, Bumın xaqan,
Tanrı dağda görüşərik!
Könlümün dilə gəldiyi,
Ruhumun məskən bildiyi,
Göklə yerin ,,birləşdiyi"
Tanrı dağda görüşərik!
Altay qəribsəyib,,heyy" dən,
Gah quzeydən, gah güneydən
Üzüb keçək Yeniseydən,
Tanrı dağda görüşərik!
Gələcəyik bütün ellə,
Dağda gürşad, düzdə sellə,
Yağan yağış, əsən yellə,
Tanrı dağda görüşərik!
Fərid Muradzadə
18.10.2018
5.0
100% (4)
Şiirin sahibi
Şiirin sahibi
Cevap Yaz