(kısa)

...
Bizim Güllü nənəmiz corabını
toxuyur,
Sarısoltan şövqnən nəğməsini
oxuyur,
Xiyabanlar, bağçalar necə gözəl
qoxuyur...
Geçir soyuq,geçir qış,yaz
gəlir,bahar gəlir,
Cərgə cərgə düzülüb yenə
durnalar gəlir.

Bənövşələr görünür kolların
arasında,
Bax,yarpızlar göyərir arxların
tirəsində,
Sular coşub çağlayır
bəndində,bərəsində...
Küləklər cuşa gəlib otları sığallayır,
Erkən qalxan çobanlar atları
sığallayır.

Alçalara göz düşüb,babam durub
keşikdə,
Kiçik bacım yelləyir qardaşımı
beşikdə,
Özgə hava var indi bizim
evdə,eşikdə...
Nar ağacı qızarır,məhsulun üzü
gəlir,
Evimizə bərəkət,bolluca ruzi gəlir.

...
Axşam oldu,gəlmədi nobatdan ağ
danamız,
Ruzimiz,umudumuz,nehrədə yağ
danamız,
Yığır süfrə başına hamımızı
anamız,
Kasalarda buğlanır bişirdiyi
xörəyi,
Ətir yayır hər yana tazə buğda
çörəyi.

Gözəl gözəl qızların ətəkləri
yellənir,
Cavanlar cuşa gəlib
lovğalanır,şellənir,
Əmimoğlu dözməyib dədəsinə
dillənir:
-Ay dədə,vaxtım geçir,filankəsi al
mənə,
Axı,gülür camaat,gülür el,mahal
mənə.

Qızlar yaman sataşır qonşu qızı
Hürüyə,
Yazıq qızı qoymurlar ağlamaqdan
kiriyə.
-Nişanlısı təptəzə yaylıq almış
Pəriyə.
Sən də oğlandan ay qız,təzə
dikdaban istə,
Almazsa,bir də getmə axşamlar
bulaq üstə.

...
...
Ağcanın da qızına elçi gələn
olarmış,
Yazıq qız işləməkdən kömür kimi
qaralmış,
Anası alverçidən dünən təzə don
almış,
Baxt açana min şükür,açdı qızın
baxtını,
Kirvələri söz verib alsın cehiz
taxtını.

...Sabahdı.Günəş doğur üzü qəşərə
sarı,
Ləzgilərin itləri cumur kəhərə sarı.
Döndərirəm kəhəri üzü köbərə
sarı...
Balığın iyi gəlir hələ
düzdən,düzəndən,
Bizə də nasib olar
axçalıdan,sazandan.

Havasına,suyuna qurban olum bu
yerin,
Buranın yazı isti,buranın qışı
sərin,
Əlini sixar hər kəs ürəyi
təmizlərin...
Vahidin də yadına düşər geçən
günləri,
Sızlar xatirələrdə quş tək göçən
illəri.
*