Bağırırdım var gücümlə,
səsim batana kimi:
“Gözəldi, bənzərsizdi,
cənnətdən bir parcadı, bizimdi...”
Orda hər şey başqa cürmüş, əfəndilər.
Nə sözlər doğulur orda
nə səslər bəstələnir
bitkilər daha göyərmir
heyvanlar çoxalmır....
Orda-o əfsanəvi məmləkətdə
insan taleləri
torpaqla birgə şumlanıb, ovulub....
Orda hər şey
siz düşündüyünüz kimi deyil, əfəndilər
Orda buluddan tökülən yağış deyil
göz yaşlarıdı
əsən külək zorlanmış qadınların
nalələridi
çaxan şimşək yandırılmış cəsədlərin
çaqqıltısıdır....
Orda-o əfsanəvi məmləkətdə
hər şey əfsanələşib,
özlüyündən çıxıb....
Ora artıq Qarabağ mahalı deyil, əfəndilər
Bir ovuc didilmiş, qaralmış
bəxti bağlanmış
qəbiristanlıqdır.....
Orda hər şey başqa cürmüş
başqa cür....
Gerçək həyatı yuxu kimi içirik
lazım deyil heç nə.
Susun!
Ruhları inçidirik....