2
Yorum
7
Beğeni
5,0
Puan
799
Okunma
Mən bəşərəm, xəlifəyəm haqqım olan cahan mənim,
Varisiyəm yerin, göyün, çərx mənim, məkan mənim.
Zülm elə istəyin qədər, fərz elə ki, cahan sənin,
Səbr eləsəm ilahi tək, xeyrimədir zaman mənim.
Gərçi bu gün dayanmaram, zülmə boyun büküb durub,
Şairiyəm ilahinin haqqı deyən dəhan mənim.
Nəzm mənim, qəzəl mənim, doğru mənim, xəta mənim.
Olsa səvab xeyir mənim, varsa günah ziyan mənim.
Xaliqimin sözün deyən ayələrdir əsərlərim,
Tanrı verən ağıl sənin, ayə Onun, bəyan mənim.
Indi desəm Nəsimi tək, "narə yanan şəcər mənəm"
Orda olan Nəsiminin, burda olan nişan mənim.
Mən Anaram adım kimi, mən Əhədəm özüm kimi,
Batinim zahirimdədir yoxdu nihan, əyan mənim.
Müəllif: Anar Əhəd
5.0
100% (5)
Şiirin sahibi
Cevap Yaz