1
Yorum
1
Beğeni
5,0
Puan
938
Okunma
Dalaş düşər
Qar düşəndə, daş düşəndə,
Ürək ürpəş, lap üşən də,
Yadına qardaş düşəndə
Gözdən gilə qan-yaş düşər.
Söz yerinə çaş düşəndə,
Yar yar ilə küsüşəndə,
Göz səyriyib, qaş düşəndə,
Belə başa lap daş düşər.
Söz üstündə əsərəm mən,
Sözə qurban kəsərəm mən,
Həriflərə həmlə həmən,
Söz üstündə savaş düşər.
Dedim könül küsmə məndən,
Eşq alıram mən ki, səndən.
Qara saçlar çaldı, dən - dən,
Dən saçlara yavaş düşər.
Dərdə salar dərhal, aman,
Dədə, dərdə sözdü dərman,
Əgər fələk versə fərman,
Xal qəlbimə faraş düşər.
Yaralıyam yaman sözdən,
Yalan desəm koram gözdən,
Hüseyn, xoşlanıram düzdən,
Davakarsan, dalaş düşər.
~~~~~~~~~~~~~~~~~~~~~~
04.01.2013-cü il
5.0
100% (1)
Cevap Yaz