Sən sonuncu imamsan ,
Sən ümidsən, pənahsan,
Sən ən gözəl kəlamsan ,
Sən Sahib-əz Zamansan.

Dünyanı bürüyüb şeytan əməli,
Ruhları əsarət alıb şər pəri .
Qəlbləri sovurur həsəd yelləri,
Sən gəl xilas eylə Mehdim bizləri.

Bilirəmki gələnsən ,
Dünyanı fəth edənsən,
Şeytanın şər yuvasın
Darmadağın edənsən.

Sən imamlar ağası ,
Sən Həsənin balası ,
Sən Peyğənbər ədası,
Mehdim Muhəmmədin xeyir duası.

Bugün dualarda sən yaşayırsan ,
Axı sən duanın ən saf halısan .
Bugün qəlblərdə də inan sən varsan,
Çünki sən ürəyin şah damarısan.

Sən Mehdisən, Hadisən,
Sən Xatəmsən, Qaimsən,
Fərqi yoxdur sən kimsən
Çünki sən saf mələksən .
Kaş yetişəydi zühur zamanı
Qəlblərin sevgiylə döyünən anı.
Sahib-əz Zamanla görüş zamanı
Allaha çatmaq üçün yalvarış anı.

Allahın sən bəxşi, ən əziz qulu,
Varlığın sən sonsuz, tükənməz nuru,
Dünyanın xilası, pisliyin sonu,
Xudam söylə çatsın onun zühuru.