1
Yorum
8
Beğeni
5,0
Puan
544
Okunma
Mən Mövlanə aşiqiyəm
Həsrətimdə sirr gizlənib
Əməl mələyə bənzəmir
Niyyətimdə pir gizlənib.
Sev dedi insanı Tanrım,
Hacət ipi hanı, Tanrım?
Əvvəli, həm sonu Tanrım
Canda ruhum hürr gizlənib.
Xasiyyətim qara torpaq
Günah qara , əzabı ağ,
İçimdəki körpə uşaq
Bir dəlisov kür gizlənib.
Dərvişə dardı dünya, dar!
Vicdanın haqq-hesabı var.
Bəyazlatmaz yağış, ya qar
Paklığımda kir gizlənib.
Üz tuturam göyə niyə?
Yerim haradı dönməyə?
Göyə gedim deyə-deyə
Gözlərimdən yer gizlənib.
Qəddimi bükdüm yoluna
Haqqım təslimdir əlinə
Yiyə dur gözdə telinə
Öz gözündə tir gizlənib.
Dilarə Süleyman
5.0
100% (4)
Şiirin sahibi
Cevap Yaz