2
Yorum
0
Beğeni
5,0
Puan
1101
Okunma
Başına dolanaram !
Boş dünyadı, boş at məni,
Boz buludam, boşalt məni,
Nə yaşım var, yaşat məni,
Yaz başına dolanaram.
Qançıram, qaraltma məni,
Darıxdım, daraltma məni,
“Sarıtel”, saraltma məni,
Saz başına dolanaram.
Bu dünyanın soyuq üzü,
Yola salıb neçə yüzü?
Qayğılıdı qaşı – gözü,
Naz başına dolanaram.
Harda olsan hər an, hər dəm
Mənə xoşdu sənlə hər dəm,
Hüseyinə sən ol həmdəm,
Qız, başına dolanaram!
~~~~~~~~~~~~~~~~~~~~~~~
16.06.2012
5.0
100% (1)
Cevap Yaz