0
Yorum
0
Beğeni
0,0
Puan
942
Okunma
Gələrik, gedərik
Bu dünyaya lüt gələrik,
Gələndə şil - küt gələrik,
Sevinc, kədər, dərd daşıyar,
Gedəndə də büt gedərik.
Bu dünyaya gənc gələrik,
Cütləşərik, cüt gələrik,
Bir amalda birləşərik,
Bircə anda bütləşərik.
Maya canda, saya canda,
Abır canda, həya canda,
Onda olar həyacan da,
Haraylayar, hay verərik.
Canımızdan can verərik,
Qanımızdan qan verərik,
Yıxılanda yan verərik,
Ağrıyarıq ağrıyanda.
Qayğısının, qarasının,
Ortağıyıq yarasının.
Yarı səndə, yarı onda,
Sən siyah, o, sarı donda.
Ay Səngərli, sən də çalış,
Qismətinlə qismən barış,
Öz oduna özün alış,
Bu minvalla çatır son da.
~~~~~~~~~~~~~~~~~~~
