1
Yorum
0
Beğeni
5,0
Puan
1135
Okunma
Bənzər
Ləblərin açan gülə,
Bədənin nazik tülə,
Gözlərin gömgöy gölə,
Kipriyin milə bənzər.
Alma, armud, axçası,
Sinən cənnət bağçası,
Gülüşün gül boğçası,
Buxağın bala bənzər.
Ay bütöv, ay para da,
Qaşın qaynar, qara da,
Həsrət qoydun nara da,
Bənizin yara bənzər.
Ay dolanar, batar da,
Günəş yaxar, yatar da,
Durna uçar qatarda,
Durumun zara bənzər.
Sevginin də yaşımı var?
Qara, qayım qaşımı var?
Ürəyində daşımı var?
Yaşın yaşıma bənzər.
Hər dərdin öz dərmanı,
Xəyal xəstə gümanı,
Fələk verər fərmanı,
Dərdin dərdimə bənzər.
Hərənin öz qisməti,
Namus, arı, isməti,
Hüseynin söz qisməti,
Bəxtin bəxtimə bənzər.
~~~~~~~~~~~~~~~~~
08.08.2012-c il
5.0
100% (1)
Cevap Yaz