0
Yorum
0
Beğeni
0,0
Puan
1145
Okunma
Qiyməti bir
Özgələrin əli ilə,
Ara qatar, ara vurar,
Qıpqırmızı üzə durar,
Üzlü, üzsüz, qiyməti bir.
Yorğa qaçan köhlən yoran,
Zəli kimi qan da soran,
Qulaq buran, qurma quran,
Qurdla quşun qiyməti bir.
Ocaq sönüb, oddan düşüb,
Yaraya xal yoddan düşüb,
Motal da ki, moddan düşüb,
Yağla şorun qiyməti bir.
Dədələrin dəllal ilə,
Dəymədüşər, dəli ilə,
Ədəblinin ədəbsizlə
Dəyəri bir, qiyməti bir.
Nə zəmanə gəldi, Allah,
Gəda gördüm inan vallah.
Səviyyədə səfeh, səyin,
Bəbə, bəyin qiyməti bir.
Üz ağardan iş, sənətdi,
Səbirsizlik pis cəhətdi.
Nə fərqi var ay Hüseyin,
Zərlə zəyin qiyməti bir.
~~~~~~~~~~~~~~~~~~~~
14.07.2012-ci il
