0
Yorum
0
Beğeni
5,0
Puan
1043
Okunma
Dəli sevdadı
Meylim mehə mehrlənib,
Sanki selə sehrlənib,
Möhkəm-möhkəm möhürlənib,
Bu sevda dəli sevdadı.
Qərib qəlbim qəhərlənib,
Tək - tənhadı, təhərlənib,
Zədələnib, zəhərlənib,
Bu sevda dəli sevdadı.
Buxov vurub biləyimə,
Külüng çalıb kürəyimə,
Sancaq sancıb ürəyimə,
Bu sevda dəli sevdadı.
Başım elə qarışıbdı,
Sinəm elə alışıbdı,
Canım oda tutuşubdu,
Bu sevda dəli sevdadı.
Fikir dağda, fikir daşda,
Asta - asta keçir yaş da,
Qayğılıdı göz də, qaş da,
Bu sevda dəli sevdadı.
Sevinci az, kədəri bol,
Qəmzəsi az, qədəri bol,
Həvəsi az, hədəri bol,
Bu sevda dəli sevdadı.
Ay Səngərli, nə var səndə,
Sən bəndəni salıb bəndə,
Azdırıbdı duman, çəndə,
Bu sevda dəli sevdadı.
~~~~~~~~~~~~~~~~~~~~
24.09.2011-ci il
5.0
100% (1)
