0
Yorum
0
Beğeni
0,0
Puan
1135
Okunma
Gül ay gülüm
Bir gün məni dağlar görsən,
Bir gün məni çağlar görsən,
Bir gün məni ağlar görsən,
Sən ağlama, gül, ay gülüm!
Gün də ötür, ay da ötür,
Xəzan gəlir, yay da ötür,
Ağ saçlarım anam öpür,
Bu günümə gül, ay gülüm!
Ömrün çiskin, çən çağında,
Bir bülbüləm qəm bağında,
Yaş görməyim yanağında,
Barı sənsə gül, ay gülüm!
Səngərliyəm, heç səbrim yox,
Cəfakeşəm, cəbrim də çox,
Qəhər dolu qəlbim də tox,
Gəl toxunma, gül, ay gülüm!
~~~~~~~~~~~~~~~~~~~~~~
