0
Yorum
0
Beğeni
0,0
Puan
825
Okunma
Saxla göz yaşların
Saxla göz yaşların, boşa axıtma,
Sevgilim, axıtsan qoşa axıtma.
Bağrımın başında daşdan bağlama,
Hayıfdı damcılar, daşa axıtma.
Göyərən gözlərin bir cüt abqora,
Hal əhli əyaldan hal - əhval sora,
Sorğusuz, sualsız sus, salma zora,
Ay zalım, zaman var, zaya axıtma.
Nə gövhərəm, nə lələm mən, ay lələm,
Qəriblikdə qəhər çəkən bir qələm,
Bir şələmdi, bir ələmdi, bir də mən,
Çeşmələr çel - çəmən, çaya axıtma.
Səngərli, söyləmə uca Ləlvərəm,
Bir gün yıxar bil səni də dərd, vərəm,
Bu gün varam, sabah yoxam, eh hələm,
Ağla, çağla, çalış çaş - baş axıtma.
~~~~~~~~~~~~~~~~~~~~~~~~~~~~~
30.07.2011-ci il
