0
Yorum
5
Beğeni
5,0
Puan
571
Okunma
Ümid bağlama ki kömək olacaq,
Özün öz işini sahmana vur, get.
İradən möhkəmsə qeyrətə sarıl,
Yaradan verəcək sənə bir sur, get.
Yolun Haqqadırsa, bəxtin güləcək,
Qismətin qarşına yoxdan gələcək.
Sən yaxşılıq elə, Xaliq biləcək,
Günəş də salacaq izinə nur, get.
Aldanma fitnəyə, hiyləgər sözə,
Tanrı da yar olar doğruya, düzə.
Yön çevir həqiqət deyilən izə,
Şeytanın qulağın astaca bur, get.
Əflatun, səbr eylə, düşün bir anlıq,
Günün xoş keçməsə dünya viranlıq.
Kabusdur həyatda zülmət qaranlıq,
Dayanma burada, işığa dur get.
5.0
100% (4)
