1
Yorum
1
Beğeni
0,0
Puan
796
Okunma
Ürək dostu tək-tək olar dünyada,
Hər yetənə sirrin açma, hayıfsan.
Əgər səni əziz mehman eyləsə,
Dostun təklifindən qaçma, hayıfsan.
Nə zaman ki şeytanlıqdan doymazlar,
Arifləri adam yernə qoymazlar,
O yerdə ki sözü sözə saymazlar,
Dürr kəlamın hədər saçma, hayıfsan.
Bilinibdi yaxşıların olduğu,
Ustadlardan nəsihətlər aldığı.
Qızıldan da olsa namərd saldığı,
O körpüdən heç vaxt keçmə, hayıfsan.
Əflatunun sərraf gözü gördüyü
Budur, sözdən alıb öyüd hördüyü.
Bal da olsa sənə qıyıb verdiyi,
Müxənnət əlindən içmə, hayıfsan.
05.07.2017.
Cevap Yaz