1
Yorum
1
Beğeni
5,0
Puan
785
Okunma
O DÜNYADAN GƏLƏN OLMAYIB
Hələ o dünyadan gələln olmayıb,
Ölən də, qalan da, bu dünyadadır.
Hər bir inanc bir təmələ söykənir,
Doğru da, yalan da bu dünyadadır.
Ey nəğdini qoyub, nisyəyə qaçan,
Çiynində dünyanın yükünü çəkən,
Qabarlı dizləri torpağa çökən,
Çapan da, çalan da bu dünyadadır.
Kimi sərvət yığır kefdə, damaqda,
Kiminin şalvarı, donu yamaqda,
Kimi tövbə edir, günah yumaqda,
Satan da, alan da bu dünyadadır.
Zalımın zülmünü görməyir divan,
Məzlumun haqqını verməyir divan,
Kimsədən hesabat sormayır divan,
Kasıb da, kalan da bu dünyadadır.
Həyatla üz-üzə döyüşür zaman,
Yazılır tarixə qovuşur zaman,
Dünyanın rəngini dəyişir zaman.
Açılan, solan da bu dünyadadır.
Coculu, o dünya xəyal edənin,
Bu dünya, düz-doğru yolla gedənin,
Qiyməti yox bil ki, ölü bədənin,
Itrən də, bulan da bu dünyadadır
5.0
100% (1)
Cevap Yaz