1
Yorum
4
Beğeni
0,0
Puan
936
Okunma
Birisi zahiri gözəlliyi ilə çox öyünürdü.
Ona cavabım bu şer oldu:
Üzdə gözəlliyi Allah yaradıb,
Çalış ürəyini gözəl edəsən.
Allah verdiliylə öyünmək deyil,
Onun haqq yolunda təmiz gedəsən.
Hər şeyi əmanət veribdir bizə,
Verdiyini bir gün geri alacaq.
Nə görüb, nə etsək biz özümüzə,
Yaxşıdan, yamandan əməl qalacaq.
Çox da uzun deyil ömrün yolları,
Bir gün görəcəksən son gəlib daha.
Onda anlaşılar iç gözəlliyi
Zahirdən necə də qiymətli, baha.
Zamanı gələndə dişlər tökülər,
Üzünü-gözünü qırışlar alar.
O gözəl üzündən, gözəl bədəndən
Zəif bir vücudun, bir kölgən qalar.
Əsil gözəl olan Allah özüdür,
Bizdə olanlar da onundur, onun.
Yetər ki, şükr edək verdiklərinə,
Ta ki, gözəl etsin hər ömrün sonun.
Cevap Yaz