0
Yorum
3
Beğeni
5,0
Puan
550
Okunma
Nikbin olun ey insanlar,
Əlbət dünya belə getməz.
Hər darlığa genişlik var,
Əlbət dünya belə getməz.
İnam olsa hər sabaha,
Günahsızlar batmaz aha.
Ümidim var bir Allaha,
Əlbət dünya belə getməz.
Yaradanın özü bilir,
Nə istəsə, o da olur.
Qışdan sonra bahar gəlir,
Əlbət dünya belə getməz.
Biz düşməni atacağıq,
Xoş günlərə çatacağıq.
Gecə rahat yatacağıq,
Əlbət dünya belə getməz.
Haqqın yolu haqq ilədir,
Bir gün zülmə zor elədir.
Mənim sözüm bax belədir;
Əlbət dünya belə getməz.
5.0
100% (2)
