2
Yorum
3
Beğeni
5,0
Puan
456
Okunma
Məni axtarmayın özgə məkanda,
Harda sevgi varsa, mən orda varam.
Əhdə dönük çıxan görsəm hayanda,
Uzağam o yerdən, heç olmaz aram.
Aşiqəm düz sözə, doğru kəlməyə,
Necə ki bülbüllər gülə aşiqdir.
Ya rəbbim, dillərə yalan gəlməyə,
İnsanlıq bir şirin dilə aşiqdir.
Siz ey halallığa pərdə çəkənlər,
Böhtan toxumunu qəlbə əkənlər,
Bilin ki nifrətdir mükafatınız.
Elə bilməyin ki hörmət aldınız,
Xalqın hiddətinə səbəb oldunuz,
Millətdən bəd dua siz qazandınız.
5.0
100% (3)
Cevap Yaz