(OVERTURA KİTABINDAN)


231
Hələ
Bilməyirlər hələ
Kimlər
Və kimsələr
Doğru biliyurd
Ana balalığıdı bilə
Və bir belə
Dar dağarcıq
Körpə üçün
Özgür yurd
Və ilk oxul
Və öyrənir
Dilini
Ana dilini
Və bilə-bilə
Bilinə-bilinə
Balalıq yuxusundan oyanır
Çağalar
Və yarınlar yolçuluğunu
Ana dilində
Dilçəyində
Çağlar
Bu çağa
Və bu çağ
Yarınların özü
Və sözü
Bu bir soraq

232
Görünməz
Varlıq kimi
Və böylə kimi incə
Ana balalığında öncə
Şüvərən şüvərən
Xəyal nağılları bənzər
Dirçəlır çağalar
Və birər-birər
Açır onlar
Qapalı dünya qapısını
Və gerçək günəş kimi
Çilənir
Düş ilə düşüncə
Və düşün
Öyrəncisi deyir :--
=Ana balalığı
Doğru biliyurd
Və başqanı
Söz ilə bilim
Və hər bir bölüm
Yoğurur insan
Və özəyi
Bilgisayar kimi
Düşün yaddaşı
Və söz tarlası
Bir törəniş çağlara
Və çağalara
Və bilinc altında
Bilinc üstündə
Zinə-zinə yoğulur

233
Dil bəbələrə
Və quşqusuz körpələrə
Ana dili
Ən kəsgin yaraq
Bu yaraq əldə deyil
Dolaşır dodaq dodaq
Və düşüncə bulut olubda
Söz yağırır
Və deyir
Sözün düzünü
=Mən insan
Siz kim
=Mən söz
İlk adım biz
Və
Sənə buraxıram
Qaranlıqlarda ayı
Və mayağı
Yürüdür səni
Qarşı yasaqlara
Bilməlisənki
İnsana sevgi yasaq
Aşq yasaq
Və tanrı elçilər
Yasaqlar polisi
Və hər birisi
Yasaq dünyasına gətirib yasaq
Və onlar anlamamış
Dil ilə yasaq sözünü
=Dilim yasaqdı əyər

234
Bilim ilə yaşam yasaq
Və məni yaşadacaq dilim
Ağzımda nabat
Və bu yasaqlarda
Varmı həyat
= mən bir söz
Və insan düşüncəsinə tanrı
Və ruhumun özəyi
Mayaq bilə yaraq
Və qoşa dil qılınc kimi
Kim məndən
Necə qullanır oğlum
Mən yaraq olubda
Nə insan
Və nə də yaşam
Ancaq
Zaman zaman
Sönməz ocaq kimi
İnsan
Və yaşam aşqına yanıram
=Böylədirsə
Dil şərəfinə içəyim
Və mən
Büsbütün qarşı yasaqlara
Doğulmadan qol atıram
Və ana dilimi
Susduracaqlara
Mən üçün sən söz bir qılınc
Və sən
Mən tanrısı qalıbda

235
Mənim ol mənim
=Diləyin dadlı ancaq
Yasaq adlı yasa
Köləliyin mayası
Və sən ölkəsində
Düşüncə basılması
Sanılır şərəf
Bu hədəf
Yoğurur yasaq
=Mən
Haçan doğulacaq
=Bu gün
Ya da yarın
Və sezəcəiyin kölələr
Özünü güllələr
Sən doğulur ləhzə
Və hələ
Bilməyir hələ
Kimlər
Və kimsələr
Doğru biliyurd
Ana balalığıdı bilə.


SON


M. Ərğəvan( Amiri Alanaq )