0
Yorum
5
Beğeni
5,0
Puan
126
Okunma
Gönlüm açılır zülf-i perişânını görgeç
Nutkum tutulur gonce-i handânını görgeç
Bakdıkça sana kan saçılır dîdelerimden
Bağrım delinir nâvek-i müjgânını görgeç
Ra’nâlık ile kâmet-i şimşâdı kılan yâd
Olmaz mı hacel serv-i hırâmânını görgeç
Çok aşka heves edeni gördüm ki hevâsın
Terk etti senin âşk-i nâlânını görgeç
Kâfir ki değil mu’terif nâr-i cehennem
İmâna gelir âteş-i hicrânını görgeç
Nâziklik ile gonce-i handânı eden zikr
Etmez mi hayâ lâ’l-i dür-efşânını görgeç
Sen hâl-i dilin söylemesen n’ola Fuzûlî
El fehm kılar çâk-i giribânını görgeç
5.0
100% (1)
