3
Yorum
0
Beğeni
0,0
Puan
1013
Okunma
AY QAĞA
Yada salsaq sovetlərin vaxtını,
Bizi belə əyməzdilər, ay qağa.
Hər addımda haqqımızı tapdayıb,
Kefimizə dəyməzdilər, ay qağa.
Masasının arxasında qalmağa,
Kimi eiçi, kimi vəkil olmağa,
Seçimlərdə səsimizi almağa,
Qapımızı döyməzdilər, ay qağa.
Qanunlara hörmət daha çox idi,
İnsanların qarnı, gözü tox idi,
Nə iqtidar, müxalifət yox idi,
Bir-birini söyməzdilər, ay qağa.
Məmurların qabağına qaçmağa,
Qorxusundan uçum-uçum uçmağa,
Aracların qapısını açmağa,
Qul yerinə qoymazdılar, ay qağa.
Biz görürük xalqımızın halını,
Rüşvət ilə sökəcəklər nalını,
Biznes qurub dölətini-malını,
Bu qədər də soymazdılar, ay qağa.
Ay Coculu yaxşı gedir işimiz,
Azadlığa qarışıbdır başımız,
İsdədikcə veriləcək aşımız!
Ancaq onlar verməzdilər, ay qağa.
Cevap Yaz