2
Yorum
1
Beğeni
5,0
Puan
1219
Okunma
Yurd - yuvamdan düşdüm uzaq,
İçim, çölüm şaxta - sazaq,
Dolaşıram tək - yalquzaq,
Elim qürbət, adım qərib.
Arxalanım yurdsuz nəyə ?
Yad yerəmi, ya yad göyə,
Soruşma gəl, kimsən deyə,
Elim qürbət, adım qərib.
Qəlb isidən ocağım yox,
Sığınmağa qucağım yox,
Qısılmağa bucağım yox,
Elim qürbət, adım qərib.
Vətən deyib, sözüm ağlar,
Sözüm dinər, gözüm ağlar,
Öz - özümü özüm ağlar,
Elim qürbət, adım qərib.
Mən Vətənsiz yarım, kəməm,
İçi , çölü dərdi - qəməm,
Tanış olaq, deyim kiməm,
Elim qürbət, adım qərib.
Elim qürbət, adım qərib.
5.0
100% (2)
Şiirin sahibi
Şiirin sahibi
Cevap Yaz