x+x=iqs
ÖZ
sözcük ilə
yarışır hər an
çün
bir çox nədənlərə
yanıtlar verir
və ÖZ
bir ləhzə kimi
yol boyu deyir
doğur hey doğur sözcüklər
və söyləyirlər
sözcük yoğuran
olsada zaman
qoşmalar diləyir
söz atlısından
çünki sözün özü
doğurur sözü
dedi Ərğəvan


Bu ÖZ ,
səhərin gözünə vurğun və dik baxır . Sezdiyi royalar düşüncəsinə dalır .
Bir çox sorğular qoynuna çəkilir kən ,
Mən kiməm ?
Yanıt X !
Nə çiyəm ?
Yanıt X !
Nə arayıram ?
Yanıt X !
Nədən doğdum ?
Yanıt X !
Nədən yaşayıram ?
Yanıt X !
Və nə için topraqlara gedəsiyəm ?
Yanıt X !
Və nə qalır Özdən ?
Yanıt Yod !
Rumluların aşq tanrısı nədən sərçə geyiminə geyinmiş ?
Yanıt X !
Aşq ilə sevda nədi ?
Yanıt X !
Bu sorğu yanıtsız qaldığı için , içimin içinə bir içlik gedir , X boyu .
Çünki zaman gövdəsəl varlığı , X lərə çara bulmaq için becərir məncə . X bir amac olaraq ,
Nə alır ?
Nə verir ?
bilinc altı ilə bilinc üstünə ?
Bu gövdəsəl varlıq düşü , bir çox X lərə xəyal qurşağı açır . Onların
içində mən ilə minik sərçə nəgəzir ?
Yanıt X !
Demək yolçu X yükü altında Yodlara doğru yürüməkdədi və gediş gödəyində kən ,
Yüksəliş ,
Gəlişmə ,
Göyərmə ,
Və büsbütün zorluqlara qarışı dirəniş ilə bir Yod arayır . Bu uğur için çabalar ilə çobalar
önündə sorumludi ÖZ . Bu xəyal , bu düşüncə bir nədən sonucu deyil mi ?
Yanıt Yod !
Gövdəsəl varlıq , ət ilə qandan yoğrulduğu halda ,
Düşünür ,
Düşündürür .
Hiss edir ,
Hiss etdirir .
Bir çox bilginlərin dediklərinə görə , düşüncəsizlər yalnız duyğu üzərində andan ,
zamana köçürlər . Demək köç özlüyündə bir irəlilik və bir Yod axtarışındadı .
Bilərəkdən vəya bilməyərəkdən , olanaqlara doğru gəriri sinə və dönə dönə ,
Ulaşma ,
Bulaşma ,
və buluşma ,
bir Yod deyə yaşam ardı tukənməz fəlsəfəsini qoşur . Ancaq bu canlılar sırasında
minik sərçə nədən rumluların aşq tanrısı olmuş ?
Yanit X !
Və bir quş geyimində < xəyalımda bir ərkək varsa , oda sən >demiş !
Nədən demiş ?
Yanır X !
Məncə Yod unvansiz və yol boyu minlərcə X gözləyir yolçusunu . Demək bir
nədən var ki , adres X kimidi X .
Mən X və Yod ardinda ,
Durma ,
Yürü ,
Qaç ,
Qov ,
Qoş ,
Çap ,
deyə bir səs eşidirəm , İçimdəki X öncəsində bir Yod özəyi göyərir
quşqusiz .
Bu qaçma ,
Bu qovma ,
Bu qoşma ,
Bu çapma ,
Düşüncə sürəcində sorğulara , hansı yanıtlar bulacaq ?
Yanıt X hələlik . Çünki bəlirsiz yerdə , zaman durğun . Yolçusu olsada
axtarışcı , hər bir döngədə X ara Xdən keçir . Çün axtarışçı çəkir , ÖZ ilə
bir tren düşüncə yükünü . Doğrusu olmasaydı X , yer , zaman və mən hansı
biçimdə şəkillənərdi bilimlər ilə nə bilimlər ara ?–Bu sorğu bir enerji deyil mi ?–
doğuşlara və qoşduruqlara ?
Bəlli bir yerdə qolayca , Yod ilə birləşsəydi mən , sonsız çəlişgilərə
uğrardı mi ?–ÖZ
Olum ilə qalım arasönda X və Yod olardı mi nədən ?
Bax var olmaq özünü burda göstərir .Yani insan düşüncəsi ÖZ önündə hələ çox
kiçik və bir çox Xlər ilə Yodsızlıq bir nədənlərə heykəl biçir . Böylə bir
biçim içində ,
Bulmaq ,
Olmaq ,
Doğmaq ,
Doğulmaq ,
Qovuşmaq ,
Tapmaq ,
Və tapınmaq köksünə bir kişilik anlayışı sərgiləyir . Ancaq yürüdüyü yol ara ,
Sapırsa ,
Sapdırırsa ,
Qapırsa ,
Qapdırırsa ,
Uçurumlara yemlik düşəcək və çarsızca sizin deyil , yalnız mənim fəlsəfəsini
ön sürəcək deyə büsbütün dəhşətlər burda canlanır . Bu anda qutsal ÖZ ,
Kim kimə ,
Mənənə ,
Unurumda deyil ,
Sorumlu deyiləm ,
yalnız mən varamsa yetər buluşu ilə üzləşir və çapdırır boşluqlara ÖZü .
Böyləcə yer bənzəri zaman durğun . İnsan dəhşətlı bir çağ boyunda ,
Qorxu ,
Üzgün ,
Susqun ,
Susdurqun ,
Və zorbalıqlar onundə gücsiz bir yolçu kimidi . Bu hisslərə qarşı durmaq ,
İnanc ,
İnam ,
Amac ,
Və X sürəcində bir Yod aranır və minki sərcə doğuşu gerçəklənir böylə . Buda XXX sözlüyünə
bir Yod buluşur . Çünki axtarışda ki , axtarışcı bilə ,
Nə için ?
Və nəyi ?
aradığını bilərək , minik sərçə gəlişi bu günə kimi ,
X X X

M. Ərğəvan
11/09/2009