Bu dem âhım gönüller gamla sahn-ı lâle-zâr olsun
Ki hengâm-ı hazân gelmiş yürekler çeşme-zâr olsun

Perîşân hâle ahkâm-ı adâletin kalmamış dünyâ
Gam u derdimle ol mülk-i sa’âdet şûre-zâr olsun

Geçip şân u şeref mülkünden ol dergâh-ı betyâbân
Cihân mecnûnı nâr-ı aşkla yakmış deşt-zâr olsun

Sirişk-i cân u dil üstünde bî-pervâ kurulmuş ol
Nümâyiş-kâr-ı tâk-ı pür du-bârâ seng-zâr olsun

Elâ ey devr-i zâlim dâimâ devrân döndükçe
Diyâr-ı hâne-i cânın mekân-ı kâr-zâr olsun

O kenbûr-ı cân-sûzun içün sabr eylerim ammâ
Cefâ yurdunda her dem tek hesâbın âh u zâr olsun

Gönüller kandırıp zevk ü safâlar içre olsan da
Elemlerden o dâniş-gâh u vârın hâr-zâr olsun

Neler ettim deyip bir gün vurursun sûhte-vâr başın
Derûn-ı çâh-ı vicdânın kederden girye-zâr olsun

Şeb ü rûz eylesen hizmet-güzâr her dem ki üstünde
Sihâb-ı dûd-ı âh-ı câneden bir sâye-zâr olsun

Yem-i zulmetde tüm cürmünle ol girdâba girdikçe
Sefîne-i dem-âlûdun kenâr-ı mevc-zâr olsun

Gül-i gülzâr-ı ma’sûmâna derd-efşân hükmün-veş
Ser-i yârâna hüsrân meclisin peygûle-zâr olsun

Serâpâ nâr-ı hüznünden penâhın olmasın hergiz
Günâh-ı hânedânın dembedem cism-i nizâr olsun

Sadâ-yı iltifâtlar bulduğun ol dûn-ı dünyâda
Adın izzet ü şândan dönüp bir hâr u zâr olsun

Bu dünyâ gûne-i bî-dâda kalmaz âkıbet oldur
Sihâm-ı âhla ol kâşâneler vîrâne-zâr olsun

Çemen-zâr-ı adâlet içre hakk âşnâ olur olmaz
O gün vech-i siyâhın bâgda zîr-i pây-zâr olsun

Gönül feryâd figân eylerse nâgâh ol dem anlarsın
Ezâ-yı âteş-i sûzânla bir derdin hezâr olsun

Keder u mihnetim kim şâhidân-ı rûz-ı mahşerde
Senin çûn şu’le-i âhım hemîn hâk-i mezâr olsun

Mey-i peymâneler döndükçe dil meyhâne-zâr olsun
Kadem basmış gül-i mestâne bezmim bâg-zâr olsun

Koyup arkamda zahm-ı bâr-ı hicrân u hüsrânı
Mül-i gülgûn içün hatt-ı bahârın mîşe-zâr olsun

Bahârım geldi artık devr-i ahzânım fenâ buldu
Hikâyât-ı cemâlden sohbetim hep sebze-zâr olsun

Gülistân-ı sefâhâtın edip ol dâg ber dâgı
Gül endâmın şu cân-ı zâra hatt-ı gonca-zâr olsun

Hevâ-yı aşk-fezâdan söyleyip şi’r mülk-i hüsnünde
Sühan-perdâzlar sultân-ı bâg-ı mürg-zâr olsun

O şâhenşâh-ı devrân bense sultân-ı sühan-pîrân
Dil-efgârân içün sihr-i kelâmın bâde-zâr olsun

Cevâî bend olur şi’rin girîbân-ı cefâ-kâra
Gelip ammâ ki mazlûmlar içün dür-dâne-zâr olsun

Cenân-ı bende-gânın şâd ü ferhân et ki yâ Rabbim
Fezâ-yı gül-feşân-ı câne bâg-ı huld-zâr olsun