2
Yorum
2
Beğeni
5,0
Puan
1443
Okunma
Gəl ömrümün baharı!
Qəlbimdən ərit qarı,
Qolun boynuma sarı,
Mən yarıyım, sən yarı,
Gəl ömrümün baharı!
Çaşmışam, qarıxmışam,
Sənsiz çox darıxmışam,
Kaş deyib, karıxmışam,
Gəl ömrümün baharı!
Dərd becərib, əkmişəm,
Zülm, zillət çəkmişəm,
Zimistandan bezmişəm,
Gəl ömrümün baharı!
Bağ-bağçada bar yetir,
Alma, armud, nar yetir,
Vəfalı yar, var yetir,
Gəl ömrümün baharı!
On yay, on qış, on bahar,
Yadımdadı son bahar,
Yaşa yaşıl don bahar,
Gəl ömrümün baharı!
Tez qov azar – bezarı,
Bəslə barı, nübarı,
Sil könlümdən qubarı,
Gəl ömrümün baharı!
~~~~~~~~~~~~~~~~~
16.02.2013-cü il
5.0
100% (2)
Cevap Yaz