HAYAT YAPRAKLARI

********
İzimdəki o şübhələr
Bir gün məni yaxalarsa,
Sırtında qoşduğum kəhər,
Uçrumlara yıxılarsa...
*
Günahlarım imanımdan
Süzülərsə damla damla,
Yağmurlarım göy üzündən
Üzülərsə damla damla...
*
Bir sabah öz şəfəqini
Günəşdən pay alamazsa,
Barmaqlarım şarkısını
Rübabında çalamazsa...
*
Şamın sarı işığında
Bir eşq böylə can verərsə.
Baxışların atəşindən
Gönül yaram qan verərsə...
*
Ümidlərin qalan ömrü
Beş barmağım sayı qədər.
Yıxılarsam ayağına,
"Əffet məni"-desəm,kader!
*
"Əffet məni"-desəm,Tanrım,
"Əffet məni" yerim,göyüm,
Yalnız qoydum sizi,fəqət,
"Əffet məni" evim,köyüm.
*****
*****
...Bu həyatı çözəmədim,
Çözəmədim əvvəlindən.
Bir əlindən zəhər alıb,
Şifa umdum bir əlindən.
*
Vicdanımın suratında
Cizgilərin rəngi qara.
Şübhələrim bədənimi
Boğazımdan çəkir dara.
*
Bir də günəş doğacaqmı,
Üfüqlərdən sabahlara.
Tanrı qəfəs tikəcəkmi
Tövbələrdən günahlara.
*
Bax o zaman dəftərimə
Son nöqtəni qoyacağam.
Doymadığım nəyim varsa,
Hamısından doyacağam.
***


Çok güzeldi üstadım her zamanan ki gibiydi, severek haz alarak okudum,
Yüreğine kalemine sağlık, yürek sesin hiç susmasın.........
Saygılar selamlar