dünya yarandımı,yaradıldımı?

Sorular,suallar cavabsız qalar.

dünya Mənasına vara bildimi?

Naşılar anlatar, müdriklər susar.



Dünyalıq olmasa dünya da yoxdur

Mənasız mənada Məna heç yoxdur

İnsanlar azalıb,adamlar çoxdur

Olanlar yox olar olmayan qalar



Adamlıq ölərsə adamlar olmaz

İnsan bitirəcək çiçəklər qalmaz

dünya Mənasından artıq olammaz

Bəşərlik Bəşərə bir Varlıq olar



Dağı Dağ eyləyən Dağlığındadır

Bağı bağ eyləyən Bağlığındadır

Mahiyyət--- İdrakın duymağındadır

Bağında Barlıqdır,Dağında Vüqar



Vətən Vətən olmaz olmasa Məna

Dünyanı yaşadan dünyada Məna

Adamda olmazsa İnsani Məna

Özünə çatmağa yollarsız qalar



Kimə günah yazaq ,kimi suçlayaq

Dünya düzələrmi,məhkəmə qursaq?

Bəşər ləyaqətsiz-----İnsan olmasaq

Babəklər,Yan Quslar doğranar,yanar



Nisbidə MÜTLƏQ var nisbidən üstün

Bəşərin Mənası bəşərdən üstün

Mahiyyət olmasa gerçəkdən üstün

gerçəyin varlığı bir yöxluq olar.