0
Yorum
0
Beğeni
0,0
Puan
736
Okunma
Həmən
O qədər çəkmişəm həsrətini mən,
A güllü, çiçəkli yaşıl çöl, çəmən,
Qız üzlü bənövşə, nərgiz, yasəmən,
Ya öpüş ver, ya da öldür, as həmən.
Payız, qışda, ya yaz olsun, ya yayda,
Xəyal gəzir ulduz, ayda, nə hayda,
Usandırıb toy da, vay da, hər ayda,
Yara həmən, yanmaq həmən, yas həmən.
Şikayət etmirəm ay şirin dillim,
Qar məni qorxutmur ay qara zillim,
Enişli, yoxuşlu bir yol mənzilim,
Tanrı həmən, tale həmən, tas həmən.
Titrəyir dil - dodaq, əsir dizlərim,
Elə ki, bir bala dolur gözlərim,
Görmürsənmi günüm- halım gözəlim,
Səngərlidə bu xasiyyət xas, həmən.
~~~~~~~~~~~~~~~~~~~~~~~~~~~~~~
26.11.2011-ci il
