Gül dərən

Siyah saçı sinəsinə
Dağılıbdı, tellər pərən,
Şirin dinib, şirin gülən,
Nə şirinsən a gül dərən.

Gümüş zülfü günə sərən,
Gərgin varmı məntək görən?
Güdazına gedərəm mən,
Gülərüzlü a gül dərən.

Gülmək sənə çox yaraşır,
Çax sinəmə, ox yaraşır,
Yalan desəm, yox yaraşır,
Yaman günüm, a gül dərən.

Gərilərək, gərdən gərən,
Sürtdün sürmən, bəyaz sinən,
Yaz yaxanı dəstələsən,
Dərdin alım, a gül dərən.

Ləbin gülün ləçəyidi,
Dilin şehli çiçəyidi,
Gözün göllər göyçəyidi,
Gözəl–göyçək a gül dərən.

Göz eyləsəm gözüm çıxsın,
Kül altından közüm çıxsın,
Niyə söhbət, sözüm çıxsın,
Gənclik getdi, a gül dərən.

Başı bağlı, örtüklərə,
Hörmətim var hörüklərə,
Atma kömür körüklərə,
Kölən ollam a gül dərən.

Buraxma başlı - başına,
Qurbanam kiprik, qaşına,
Qarışaram göz yaşına,
Yalvarıram a gül dərən.

Gül də dəstə, bel də dəstə,
Boyan normal, boy da bəstə,
Bəs deyincə de ahəstə,
Ah çəkdirmə a gül dərən.

Bət-bənizin dümağ kağız,
Say sayəndə sayrı, sağız,
Ay qız desən bircə ağız,
Ayıbdımı a gül dərən?

Durna gözlüm, durumum zor,
Sən od - alov, mən isə qor,
Görk olanı götürməz gor,
Durma belə, a gül dərən.

Bir özünü, bir məni gör,
Bur, burmala birçəyin hör,
Səngərlinin gününü gör,
Görk olmayaq, a gül dərən.
~~~~~~~~~~~~~~~~~~~~~
Bakı, 16.09.2011-ci il