0
Yorum
3
Beğeni
5,0
Puan
717
Okunma
Qarabağ, səndə nə sirr vardı ki, al qandı vətən?
Nə güdaz uğruna qurban gedərək yandı vətən?
Səni yalnız bu qəzəllərdəmi xatırlayarıq?
Əzilir, tapdalanır düşmənə çoxdandı vətən.
Qara əllər nə qədər kölgə salıb mənzərənə,
Bizə qismətdə vüsal yoxdu ki, hicrandı vətən.
Bu təfəkkür vurulub zəncirə sərbəst deyilik,
Ey vətən, bizlərə bax gör necə zindandı vətən.
Desə eşqin sənə, təsdiq eləməz cismi, vücud,
Quru sözlərdi deyir can sənə qurbandı vətən.
O şəhidlər anası ağlamasın zərrə qədər,
Ki bu nemətdi, vətən oğluna yorğandı vətən.
Səni vəsf etməliyəm, öncə gərək haqqı deyim,
Anarın hər sözü haqdan yaranan candı vətən.
Müəllif: Anar Əhəd
5.0
100% (1)
